Semeıde áskerı ushqyshtardyń oqý-jattyǵý jıyny ótýde
SEMEI. QazAqparat – Semeıde áskerı ushqyshtardyń oqý-jattyǵý jıyny ótip jatyr, dep habarlaıdy QazAqparat tilshisi.
Semeı garnızony baspasóz qyzmetiniń málimetine súıensek, 54835 áskerı bóliminde áskerı ushqyshtardyń ushý daıarlyǵy men synyptyq biliktilik deńgeıin arttyrýǵa baǵyttalǵan jyl saıynǵy jıyn ótýde.
Oqý-jattyǵý jıynyna bólim komandıri polkovnık Qaırat Túgelov basshylyq etýde. Áýe qorǵanysy kúshteri bas qolbasshysy basqarmasynyń jaýyngerlik daıarlyq bóliminiń aǵa ınspektory Dastan Beısembınov ushaqty basqarý boıynsha synaqtardy qabyldaýda.
«Áskerıler ES-145 «Evrokopter» jáne Mı-17 tikushaqtarymen berilgen tapsyrmalardy oryndaýy tıis. Synaqtar kúndizgi jáne túngi ýaqyttarda, kúrdeli meteorologııalyq jaǵdaılarda ótkizilip jatyr. Jattyǵý jıynynda árbir ushqysh óz sheberligi men kásibıligin kórsetedi», - deıdi polkovnık Dastan Beısembınov.
