Semeıde ashyq lıýkterdi endi polımer qaqpaqtarymen jabýda
ASTANA. 16 tamyz. QazAqparat - Semeıdiń ókimet oryndary káriz lıýkteriniń urlanýyna qarsy kúreste bir ádis oılap tapty.
Endi urlanǵan shoıyn qaqpaqtardyń ornyna jańa polımerlik qaqpaqtar ornatylady, dep habarlady qala ákiminiń baspasóz qyzmetinen.
Ákim jáne qalalyq máslıhat polımerden jasalǵan qaqpaqtardy satyp alý úshin 10 mln. teńge kóleminde aqshalaı qarajatty bólýge sheshim qabyldady. Plastıkten jasalǵan olardyń endi urylar úshin eshqandaı qundylyǵy joq.
Qaqpaqtardy aýystyrý boıynsha tenderdi semeılik «Kópirbasqarmasy» kásiporny jeńip aldy. Óz kezeginde ol bul ónimdi jergilikti fırmalardyń birinde daıyndaý kelisim-shartyn jasady. Ákim bólgen qarajat 241 qaqpaqty jasap shyǵarýǵa jetti. 30 danadan turatyn alǵashqy toptama tapsyrys berýshige jetti jáne qazirgi kezde qala kóshelerinde ornatylýda.
Esterińizge sala keteıik, qazirgi ýaqytta qalada 400-ge jýyq káriz lıýkteri bar. Kún saıyn shamamen olardyń qaqpaqtarynyń beseýi joǵalady, al keıde urlanǵan qaqpaqtardyń sany 10-ǵa deıin jetedi. Ýaqyt óte kele bul «tuzaqtar» joıylady.
