Semeıde asa iri kólemde marıhýana saqtalǵan esirtki qoımasy anyqtaldy

SEMEI. KAZINFORM – Semeı qalasynda asa iri kólemde marıhýana saqtalǵan esirtki qoımasy anyqtaldy.

Abaı oblystyq Polıtsııa departamenti baspasóz qyzmetiniń málimetine súıensek, tártip saqshylary Semeı irgesindegi qaraýsyz qalǵan úıde esirtki saqtalǵanyn anyqtady.

«Bul oryndy esirtki satýshylar ýaqytsha qoıma retinde paıdalanǵan. Qazirgi ýaqytta kúdikti qolǵa tústi. Ol buryn sottalǵan 40 jastaǵy qala turǵyny bolyp shyqty. Tárkilengen keptirilgen marıhýananyń jalpy salmaǵy 66 keliden asady. «Qara naryqta» mundaı esirtkiniń quny shamamen 10 mln teńgeni quraıdy», - delingen aqparatta.

Polıtseıler esirtki quraldaryn asa iri mólsherde zańsyz saqtaý faktisi boıynsha sotqa deıingi tergeýdi bastaldy. Kúdikti ýaqytsha ustaý ızolıatoryna qamaýǵa alynǵan.