Semeıde arzanǵa úı alamyn degen áıel alaıaqqa 3,2 mln teńge berdi

SEMEI. QazAqparat – Semeı qalasynda alaıaqqa aldanǵan áıel 3,2 mln teńgesinen aıyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, «102» jedel arnasyna 32 jastaǵy jergilikti turǵyn habarlasqan. Óz sózinde ol beıtanys áıeldiń úıdi naryqtyq baǵadan tómenge satyp alýǵa kómektese alatyndyǵyn aıtyp sendirgenin jetkizdi. Buǵan aldanǵan jábirlenýshi 3 200 000 teńge mólsherinde shyǵynǵa batqan.

«Jedel-izdestirý sharalary barysynda polıtsııa qyzmetkerleri 27 jastaǵy kúdiktini ustady. Anyqtalǵandaı, ol dál osyǵan uqsas qylmys boıynsha sottalǵan bolyp shyqty. Sotqa deıingi tergeý amaldary jalǵasýda», - delingen aqparatta.

Polıtseıler aqparattyq tehnologııalardy paıdalana otyryp jasalatyn qysmystyń aldyn alýǵa jáne jolyn kesýge baǵyttalǵan «Hi-tech» sharasyn 8-14 qarasha aralyǵynda ótkizýde. Eki kúnniń qorytyndysy boıynsha buryn jasalǵan 21 ınternet-alaıaqtyq ashyldy.