Semeıde anyqtama alýǵa kelgen turǵyn medbıkeniń aqshasyn urlap ketti
SEMEI. QazAqparat – Semeı aýrýhanasynda medbıkeniń aqshasy urlandy. Bul týraly QazAqparat Semeı qalasynyń polıtsııa basqarmasyna silteme jasap habarlaıdy.
«Semeı qalasynyń Áýezov polıtsııa bólimshesine 23 jastaǵy medbıke júgindi. Kabınetinen birneshe mınýtqa shyǵyp, qaıtyp kelgen ol kıim ilgishke ilip ketken sómkesinen ámııan urlanǵanyn baıqaıdy. Onyń ishinde 35 000 teńge bolǵan. Polıtsııa uryny ustady. Medıtsınalyq mekeme qyzmetkerleri men naýqastardan jaýap alyp, beınekamera derekterin qaraǵan saqshylar 33 jastaǵy buryn sottalmaǵan adamnyń izine túsken. Kúdikti turǵylyqty mekenjaıynan ustalyp, óz kinásin moıyndady. Ol aýrýhanaǵa medıtsınalyq anyqtama alýǵa kirgenin, urlaǵan aqshanyń bir bóligin jumsap úlgergenin aıtqan», - delingen polıtsııa basqarmasynyń baspasóz qyzmeti taratqan málimette.
