Semeıde anasy eki balasymen birge koronavırýs juqtyrdy
SEMEI. QazAqparat – Sońǵy málimetterge sáıkes elimizde juqpaly indetke shaldyqqandar sany 3920-ǵa jetti. Onyń ishinde Semeıde jańa 3 jaǵdaı tirkeldi, dep habarlaıdy QazAqparat tilshisi.
ShQO ákimi baspasóz qyzmetiniń málimetine súıensek, Semeıde COVID-19-dyń taǵy 3 faktisi rastaldy. Naqty aıtsaq, 2003 jáne 2012 jylǵy eki ul men olardyń 1982 jyly týǵan anasy vırýske shaldyqqan. ⠀
«2 mamyr kúni otbasy músheleri dene qyzýlary kóterilip, densaýlyq jaǵdaılary nasharlaǵan soń ýchaskelik dárigerdi úıge shaqyrǵan. Algorıtmge sáıkes, naýqastardan dereý koronavırýsqa synama alyndy. Synama nátıjesi oń bolyp shyqty. Qazirgi ýaqytta naýqastar ınfektsııalyq statsıonarǵa oqshaýlandy. Jaǵdaılary ortasha. Olar shet memleketterge shyqpaǵan. Epıdemıologııalyq tekserý jalǵasýda», - dep habarlady ákimdikten.⠀
Aıta ketý kerek, osy ýaqytqa deıin óńirde 29 koranavırýs juqtyrý jaǵdaıy tirkelgen.
