Semeıde Álıhan Bókeıhanovqa qoladan úlken eskertkish qoıylady

ASTANA.  QazAqparat  - Bıyl Semeıde Álıhan Bókeıhanovqa qoladan úlken eskertkish qoıylady. Bul týraly búgin Sarap Time sarapshylar klýbynyń «Tarıhı sana jáne qoǵamnyń rýhanı qaýipsizdigi» taqyrybyndaǵy otyrysynda «Sakraldy Qazaqstan» ǵylymı-zertteý ortalyǵynyń basshysy Berik Ábdiǵalıuly málim etti, dep habarlaıdy QazAqparat.

«Alashtyń 100 jyldyǵyna oraı Úkimet óz is-sharalaryn daıyndap jatqan shyǵar. Biraq árbir ǵalym, árbir óńir bul iske óz úlesin qosýda. Bıyl Qudaı qalasa Semeıde, qyrkúıek aıynda Álıhan Bókeıhanovqa Qazaqstandaǵy alǵashqy bolyp qoladan úlken eskertkish  qoıylǵaly jatyr. Árbir aımaqta konferentsııalar ótýde», - dep atap ótti ol.

Sonymen qatar Alash áskerine qatysty derekterdi 4 jyl boıy Reseı arhıvterinen  izdep taýyp, jaryqqa shyǵaryp jatqandyqtaryna toqtaldy. 

«Halyqtyń kóbi bile bermeıdi. Alash áskeri alǵashqy kúninen bastap aqtardyń qatarynda boldy. Batysta da, Qostanaı, Torǵaı óńirinde de jáne Shyǵys  Qazaqstanda da aqtardyń quramynda edi. Qostanaı óńirinde eki polk, Torǵaı polkin qosqanda úsh polk, Shyǵys Qazaqstan men Jetisýde 6 polk qurylǵan. Olar kazak úlgisinde 400-500 adamdyq bolǵan. Jalpy Alashorda 2,5 myńdaı ásker jasaqtaǵan», - dedi Berik Ábdiǵalıuly.