Semeıde alǵash ret tize býynyna ota jasaldy
SEMEI. QazAqparat - Semeıde alǵash ret tize býynyn endoprotezdeý otasy jasaldy, dep habarlaıdy QazAqparat.
« 2016-2019 jyldardaǵy densaýlyq» baǵdarlamasy aıasynda Shyǵys Qazaqstan oblysynda alǵash ret tize býynyn endoprotezdeý otasy jasaldy. Buǵan deıin mundaı kúrdeli otany naýqastar tek shetelde jasatyp kelgen. Otany Semeıdegi memlekettik medıtsına ýnıversıtetiniń rektory, joǵary deńgeıli travmatolog-ortoped Ersin Júnisovtiń basshylyǵymen ýnıversıtettiń mamandary jasady. 
Ota jasalǵan 69 jastaǵy qala turǵynyna tize býynynda bolatyn artroz dıagnozy qoıylǵan. Ota kezinde súıektiń shemirshekteri kesip alynyp, ornyna tıtandy qystyrma ornatyldy. Tıtandy qystyrma tize býyndaryn qozǵaýyna, júrip-turýyna múmkindik beredi.
«Biz naýqastyń tize býynyn tutastaı medıtsınalyq tsement qospasymen ázirlep endoprotezdeý otasyn zamanaýı tehnologııalar arqyly jasadyq. Búgingi naryq zamanynda shetelge baryp, mundaı ota jasatýǵa árkimniń jaǵdaıy kelmeıdi. Ota sátti aıaqtaldy. Endi 2 aıda naýqas esh qıyndyqsyz tolyq júrip, belsendi ómirge qaıta oralatyn bolady»,- dedi Ersin Júnisov.
