Semeıde alǵash ret laparoskopııalyq ádispen óńesh obyryna ota jasaldy
SEMEI. QazAqparat - Semeıde alǵash ret elimiz boıynsha óńesh obyryna ınnovatsıalyq ota jasaldy, dep habarlaıdy QazAqparat.
Semeıdegi óńirlik onkologııalyq dıspanser onokologtary Qazaqstanda alǵash ret laparoskopııalyq ádispen óńesh obyryna ota jasady. Buǵan deıin óńeshtegi qaterlik isikti alý úshin birneshe santımetrlik tilik jasalatyn. Ol naýqastyń tez saýyǵýyna kedergi keltiretin. Al bul joly ota endovıdeohırırgııa arqyly jasaldy. ıAǵnı, naýqastyń denesin kespeı, tek úsh tesik tesý arqyly júzege asyrdy. Іsikti monıtor arqyly baqylap, zamanaýı qondyrǵymen kesip alyp tastady.
«Qazaqstan boıynsha birinshi bolyp óńeshke ota jasadyq. Osylaısha, óńeshtiń orta tusyndaǵy isikti aldyq. Mundaı otalar óte kúrdeli. Buǵan deıin burynnan kele jatqan kesý ádisi arqyly jasaıtynbyz. Endi mine zamanaýı qondyrǵynyń kómegine júginip, jasadyq. Sátti shyqty. Otadan keıin naýqastar tez saýyǵyp, qalpyna keledi»,-deıdi óńirlik onkologııalyq dıspanserdiń hırýrgi Eldos Smaılov.
Aıta keteıik, mundaı tásilmen ota jyl basynan beri 2 naýqasqa jasalǵan. Aldaǵy ýaqytta onkolog dárigerler qalqansha bezge jasaýdy josparlap otyr.
