Semeıde áleýmettik osal top sanatynda 105 myńnan astam adam tur
Aqparat ortalyǵynda ótken baspasóz máslıhaty barysynda qalalyq Jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń basshysy Murat Qurjyqaev áleýmettik osal toptaǵylarǵa qandaı kómek kórsetilip jatqanyn aıtyp berdi.
«Semeıde 2660 otbasy ataýly áleýmettik kómek alýda. Muqtaj jandarǵa azyq-túlik jıyntyǵy men turmystyq taýarlar túrindegi 36 myńnan astam kepildendirilgen áleýmettik paket jetkizilgen. Jalpy, qazirgi tańda shaharda halyqtyń áleýmettik osal toptary sanatynda 105 myńnan astam adam tur», - dedi ol.
Murat Qurjyqaevtyń aıtýynsha, jyl basynan beri tabysy tómen azamattarǵa qosymsha turǵyn úı járdemaqysy bólinýde. Ótken jyly 1084 otbasyna osyndaı járdemaqy berilgen.
Sonymen qatar ol múmkindigi shekteýli jandarǵa túrli qoldaý kórsetilip jatqanyn tilge tıek etti.
«Múgedek azamattar tehnıkalyq ońaltý quraldarymen jáne arnaıy áleýmettik qyzmettermen qamtamasyz etilýde. 2010 jyldan bastap qalada jergilikti bıýdjet esebinen áleýmettik mańyzy bar obektilerge jetkizý boıynsha «Invataksı» qyzmeti iske qosylǵan. Qyzmetti tirek-qımyl apparaty buzylǵan 1-2 toptaǵy múgedekter paıdalana alady», - dedi bólim basshysy.
