Semeıde alaıaqqa aldanǵan zeınetker 3 mln teńgesinen aıyryldy
SEMEI. QazAqparat – Semeı qalasynda zeınetkerden qaryzǵa aqsha alyp, qaıtarmaı qoıǵan áıel ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, polıtsııaǵa 63 jastaǵy zeınetker aryzdanǵan. Óz sózinde ol ótken jyldyń mamyr aıynda «páter satyp alamyn» degen tanysy qaryzǵa aqsha suraǵan. Oıyna esh sekem kelmegen qart kisi oǵan 2 900 000 teńgesin bere salady. Alaıda arada bir jylǵa jýyq ýaqyt ótse de aqshasy qaıtpaǵan.
«Jedel-izdestirý sharalary barysynda tártip saqshylary 44 jastaǵy áıeldi taýyp, polıtsııa bólimshesine jetkizdi. Atalǵan fakti boıynsha QR QK-niń 190-baby 3-bóligine (alaıaqtyq) sáıkes sotqa deıingi tergeý amaldary júrgizilýde», - dep habarlady vedomstvo ókilderi.
