Semeıde alaıaq turǵyndardy aldap, 8 mln teńgege nesıe aldyrǵan
ÓSKEMEN. QazAqparat - Semeıde alaıaq turǵyndardy aldap, 8 mln teńgege nesıe aldyrǵan. Bul týraly QazAqparat Shyǵys Qazaqstan oblystyq ishki ister departamentiniń baspasóz qyzmetine silteme jasap habarlaıdy.
Baspasóz málimetterine qaraǵanda, adamdardyń beıqamdylyǵy men qarjylyq saýatsyzdyǵy kóp jaǵdaıda orny tolmas ókinishpen aıaqtalyp jatady. Óıtkeni halyqtyń senimine kirip alǵan alaıaqtar olardy aqshasyn alyp ketkenimen qoımaı, qıyn qarjylyq jaǵdaıǵa dýshar etedi. Jyl basynan beri osyndaı áreketterdiń 73 faktisi anyqtalǵan.
Alaıaqtar jymysqy áreketterin júzege asyrý úshin halyqty aldaýdyń san túrli aıla-tásilderin qoldanady. Osyndaı áreketterdiń birinde alaıaqtar turǵyndardyń senimine kerip, bankten qaryzǵa qarjy alýǵa úgittigen. Bul rette olar nesıeni ózderi aıma-aı ýaqytynan keshiktirmeı tólep turatyndyqtaryn, al nesıe alǵan adamǵa qarjynyń jartysyn qaldyryp esesine nesıe tarıhyn da durystap alatyndyǵyna sendirgen.
Alaıda bankten qarjyny alysymen alıaqtar izin sýytyp otyrǵan. Al nesıe alǵan turǵyndar bankke mol kólemde qarjy qaryz bolyp qalady. ShQO-nyń 13 turǵyny osyndaı áreketterdiń qurbany bolǵan. Olardy Semeı qalasynyń 34 jastaǵy jergilik turǵyny arbap, 8 mln teńgeni qaltasyna basqan.
Shyǵys Qazaqstan oblystyq ІІD-niń ókilderi turǵyndardy beıqamdyq tanytpaýǵa ásirese qarjymen baılanysty jumystar kezinde asa saq bolýǵa shaqyrdy.
