Semeıde ál-Farabıdiń 1150 jyldyǵyna oraı kitap kórmesi ashyldy
Ál-Farabıdiń 1150 jyldyǵy aıasynda Nevzorovtar otbasy atyndaǵy oblystyq beıneleý óneri mýzeıiniń jáne Shákárim atyndaǵy memlekettik ýnıversıtetiniń kitaphanalary birlesip kitap kórmesin uıymdastyrdy. Kórmege uly ǵalymnyń zertteýleri, traktattary jáne merzimdi basylymdardaǵy maqalalar qoıylǵan. Sonymen qatar jyl kitaby atanǵan Ánýar Álimjanovtyń «Ustazdyń oralýy» atty týyndysy usynylypty.
«Oqyrmandar fılosoftyń shyǵarmashylyq murasymen asqan qyzyǵýshylyqpen tanysty. Kórmege murajaı qyzmetkerleri, ýnıversıtet kitaphanashylary men stýdentter keldi», - deıdi mýzeı qyzmetkerleri.
Shara barysynda uıymdastyrýshylar ál-Farabı esimi álemdik ǵylym men mádenıet tarıhyna nyq engenin atap ótti. Onyń eńbekteri eýropalyq Qaıta órleý dáýirine úlken áser etti jáne Batys pen Shyǵys fılosofııasyn baılanystyrýshy kópir boldy. Ol kóptegen ǵylymı salalardy qamtıtyn 200-ge jýyq traktat jazǵan.
