Semeıde aqsha úshin tanysyn óltirgen qaskóıler sottaldy

Semeı qalasynyń turǵyny B.Nýrkın óziniń metall qabyldap, satýmen aınalysatyn  tanysy Q.Saǵyndyqovtan «KamAZ» avtokóligimen  jalpy somasy 2 022 000 teńgeni quraıtyn metall synyqtaryn Semeıden Pavlodar qalasyna jetkizip berýin suraıdy. Bul qyzmeti úshin oǵan 160 myń teńge syıaqy berýge ýáde etedi. Usynysqa kelisken Q. 10 naýryz kúni  saǵat 18.00-de  27 tonna metall synyqtaryn tıep, Pavlodarda burynnan ózi metall tapsyryp  júrgen «Kastıng» JShS-ne ótkizedi. Al joǵaryda atalǵan somany Semeıge barǵannan keıin alatynyn aıtady.

Tanysynyń qomaqty qarjy alatynyna qyzǵanyshpen qaraǵan Q. ony óltirýge bel býady. 12 naýryz kúni Semeıge kelgennen keıin  óz oıyn júzege asyrý úshin qol astynda jumys isteıtin B.Baıtúgelovpen josparyn bólisedi. Biraq ol  bas tartqan soń, qylmys isteýdi tanysy M.Hılkoǵa usynady. Ózderiniń aram oıyn iske asyrý maqsatynda olar  sol kúni B.-ǵa bóten abonenttik nómirden habarlasyp, 1 kelisi 59 teńgeden metall synyqtaryn satatyny týraly jalǵan aqparat beredi. Alyp-satýmen paıda tabatyn B. ózine M. usynǵan baǵa tıimdi bolǵandyqtan, birden kelisimin bergen. 

Aldyn ala qurǵan josparǵa sáıkes Q. metall synyqtaryn qabyldaý pýnktiniń úıshiginde B.-ǵa 2 022 000 aqshany berip jatqanda M. armatýra temirdiń kesindisimen basynan soqqy jasaıdy. Keıin  qylmystyń izin jasyrý úshin Semeı qalasy «Severnyı» bazarynan soltústik-shyǵysqa qaraı 500 metr jerde ornalasqan qum karerine apara jatqanda alǵan aýyr dene jaraqattary saldarynan azamat kóz jumady.

Óziniń qylmystyq josparyn iske asyryp, 2 022 000 teńge paıda tapqan Q.Saǵyndyqov M.Hılkoǵa 500 000 teńge, B.Baıtýgelovke 20 000 aqsha bergen.

Qos azamat Qazaqstan Respýblıkasy Qylmystyq kodeksi 99-baby 2-bóliginiń 7,8-tarmaqtarymen qarastyrylǵan qylmystyq quqyqbuzýshylyqty jasaǵany úshin kináli dep tanylyp, 15 jyl bas bostandyǵynan aıyryldy.  Al B. Baıtúgelov 4 jylǵa sottaldy. Sonymen qatar sot úkimimen jábirlenýshi tarapqa  4 322 000 moraldyq shyǵyn tóleý  týraly sheshim shyǵardy.