Semeıde aǵaıyndy eki bala koronavırýstan jazylyp, úıine oraldy
SEMEI. QazAqparat – Semeı qalasynda aǵaıyndy eki bala juqpaly indetten jazylyp shyqty, dep habarlady QazAqparat tilshisi.
ShQO ákimi baspasóz qyzmetiniń habarlaýynsha, Semeıdegi juqpaly aýrýlar aýrýhanasynda jatqan 2006 jáne 2007 jylǵy balalar koronavırýstan aıyqqan.
«Qazirgi ýaqytta ekeýi óz úılerinde, jaǵdaılary jaqsy. Olar tolyqtaı tekserýden ótken. COVID-19 synamasy teris nátıje kórsetti», - delingen málimette.
2006 jyly jyly týǵan jasóspirimde aýrýhanaǵa túskende qurǵaq jótel, álsizdik jáne 38 gradýs temperatýra bolǵan. 3 sáýirde oǵan «pnevmonııa» dıagnozy qoıyldy. Koronavırýsqa alynǵan synama oń bolyp shyqqan. Úsh kúnnen soń onyń 2007 jyly týǵan baýyrynan vırýs tabyldy.
Esterińizge sala ketsek, 20 sáýir Shyǵys Qazaqstanda 3 adam qaýipti dertten jazylyp shyqqan bolatyn. Bul - 1959 jylǵy semeılik áıel men Óskemen qalasynda turatyn 1938 jylǵy eki zeınetker.
