Semeıde Abaıdyń 175 jyldyǵyna oraı zaǵıp jandarǵa arnalǵan kitap kórmesi ashyldy

SEMEI. QazAqparat - Semeı qalasyndaǵy zaǵıp jáne nashar kóretin azamattarǵa arnalǵan kitaphanada «Uly Abaıǵa adaldyq» atty aýdıogıd formatyndaǵy kitap kórmesi ashyldy, dep habarlaıdy QazAqparat.

Kórmege tek Abaı shyǵarmalary ǵana emes, uly oıshyl týraly maqalalar jazylǵan eski jáne jańa gazet-jýrnaldar, kitaptar, sondaı-aq aqyn týyndylarynyń aýdarmalary usynylǵan. Ashylý saltanaty barysynda qalalyq mádenıet jáne tilderdi damytý bóliminiń basshysy Nazerke Aqqojına bul sharanyń basty maqsaty – oqyrmanǵa hákimniń ómiri men shyǵarmashylyǵyn tanystyrý ekendigin atap ótti.

«Múmkindigi shekteýli jandardy rýhanı turǵyda baıytý maqsatynda bul kitaphana men qalalyq Mádenıet úıi arasynda yntymaqtastyq týraly memorandým jasaldy. Osynyń nátıjesinde memlekettik jáne orys tilderindegi ádebıetter CD-dıskilerde jaryq kórip, kitaphana qory tolyǵa túspek», - deıdi ol.