Semeıde «Abaı joly» jaıaý júrginshiler kóshesiniń qurylysy aıaqtaldy
Bul – Almaty oblysynyń Semeıge Abaıdyń 175 jyldyq mereıtoıyna oraı tartýy. Jaıaý júrginshiler kóshesiniń qurylysy maýsym aıynda bastalǵan. Ol Áýezov dańǵyly men Selevın kóshesi qıylysynan bastap, et kombınatyna deıingi aralyqty qamtıdy. Jalpy uzyndyǵy 2 100 metrdi quraıdy.
Kóshe boıyna tas tóseýish tóselip, oryndyqtar, balalar jáne sport alańdary ornatylǵan. Jaryqtandyrý júrgizilip, eki myń aǵash otyrǵyzyldy. Sonymen qatar jobaǵa uzyndyǵy 1600 metrdi quraıtyn velojol engizilgen, ol temir joldan bastalyp et kombınaty mańynda aıaqtalady. Budan bólek, kóshe boıyna Abaıdyń naqyl sózderi jazylǵan jeti stella ornalastyrylǵan.
«Búgingi tańda jumys aıaqtalyp qaldy. Almaty oblysynan geodezıster kelip topografııalyq túsirilim júrgizýde. Nysandy qabyldap alý toby keldi. Odan keıin ony turǵyn-úı kommýnaldyq sharýashylyq departamentine ótkizedi. Bul – Almaty oblysynyń Abaıdyń 175 jyldyǵyna oraı syılyǵy, - dep atap ótti óndiristik jumys jetekshisi Rafaıl Hazıpov.
Aıta keteıik, atalǵan joba quny – 600 mln teńge.
