Semeıde «Abaı mýzeıiniń ǵylymı tujyrymdamasy» atty dóńgelek ústel ótti
SEMEI. QazAqparat – Semeı qalasynda «Abaı mýzeıiniń ǵylymı tujyrymdamasy» atty dóńgelek ústel ótti, dep habarlaıdy QazAqparat tilshisi.
Uly aqynnyń 176 jyldyǵyna oraı uıymdastyrylǵan basqosýǵa zııaly qaýym ókilderi, abaıtanýshy ǵalymdar men aqyn-jazýshylar qatysty. Olar ózindik oı-pikirlerimen bólisip, ǵylymı baǵyttaǵy mýzeıdiń josparymen jáne atqarylatyn sharalardyń mán-mazmunymen tanysty.
«El Prezıdenti Qasym-Jomart Toqaevtyń hákimge arnalǵan «Abaı jáne HHІ ǵasyrdaǵy Qazaqstan» atty maqalasynda «Abaıdyń Jıdebaı-Bórili memlekettik tarıhı-mádenı jáne ádebı-memorıaldyq qoryq-mýzeıine erekshe kóńil bólip, ǵylymı-tanymdyq jumystarmen aınalysatyn ortalyqqa aınaldyrý kerek» degen bolatyn. Soǵan oraı qoryq-mýzeıdiń jańa ǵylymı tujyrymdamasy daıyndaldy. Ol 7 baǵyttan turady. Ár baǵytta Abaıǵa qatysty máseleler taldanyp, usynymdar jazylady», - dedi mýzeı dırektory Turdyqul Shańbaı.
Sonymen qatar búgingi aıtýly kúnde mýzeıde QR Sýretshiler odaǵynyń múshesi Nurbulan Ótepbaevtyń «Kórgenim... Kóńildegim...» kórmesiniń ashylýy ótti. Kórmede sýretshiniń 60-qa jýyq kartınasy men mýzeı qorynda saqtaýly týyndylary qoıylǵan.
