Semeıde Abaı mereıtoıyna oraı halyqaralyq kórme ashyldy

SEMEI. QazAqparat – Semeı qalasynda Nevzorovtar otbasy atyndaǵy beıneleý óneri mýzeıinde Abaıdyń 175 jyldyǵyna arnalǵan «Taý men dala áýeni» atty halyqaralyq kórme ashyldy, dep habarlaıdy QazAqparat.

Kórmege 60-tan astam keskindeme, grafıka jáne sándik-qoldanbaly óner týyndylary qoıylǵan. Olardyń avtorlary Nur-Sultan, Almaty, Şýchınsk qalalary men Ońtústik Koreıanyń tanymal sýretshileri. Ekspozıtsııada peızajdar, qala kórinisteri, natıýrmorttar, ulttyq taqyryptaǵy sıýjettik kartınalar usynylǵan. Sýretterden basqa munda qolónershiler jasaǵan ulttyq sáýkeleler de bar.

«Kórmege qazaqstandyq jáne shetelden kelgen 15 sýretshi qatysýda. Sýretter ártúrli tehnıkada jasalǵan. Osyǵan deıin bul kórmeni Nur-Sultan, Parıj, London, Brıýssel qalalarynda ótkizdik.Sheteldikter kórmeni óte jaqsy qarsy aldy. Qazaqstan olar úshin ekzotıkalyq el bolǵandyqtan, ulttyq stılde jasalǵan týyndylarǵa qyzyǵýshylyq tanytty, - deıdi kórme kýratory Bıbigúl Smaqova.