Semeıde Abaı mereıtoıyna oraı halyqaralyq aqyndar aıtysy ótedi

SEMEI. QazAqparat – Semeı qalasynda uly aqynnyń 175 jyldyǵy aıasynda halyqaralyq aqyndar aıtysy ótkizilmek, dep habarlaıdy QazAqparat.

Bul jaıly qalalyq mádenıet jáne tilderdi damytý bóliminiń basshysy Nazerke Aqqojına málim etti.

«Ótken jyly hakimniń mereıtoıyna daıyndalý úshin arnaıy jumys toby qurylǵan bolatyn. Onyń quramyna abaıtanýshy ǵalymdar, tarıhshylar, qoǵam qaıratkerleri, jýrnalıster, joǵary jáne arnaıy orta oqý oryndarynyń basshylary, jergilikti atqarýshy organdardyń ókilderi kirdi. Jan-jaqty talqylaýdan keıin 200 shara ótkizý josparlanǵan», - deıdi ol.

Onyń aıtýynsha, Abaıdyń 175 jyldyǵy aıasyndaǵy eń aýqymdy sharalar – halyqaralyq sýretshiler pleneri, ıÝNESKO kólemindegi ǵylymı-praktıkalyq konferentsııa, «Aqyldyń keni – danyshpan» taqyrybyndaǵy halyqaralyq aıtys bolmaq.