Semeıde Abaı men balalaryna eskertkish ornatylady

SEMEI. QazAqparat - Senat depýtaty Dúısenǵazy Mýsın Semeı qalasyna bardy. Sapar barysynda ol Abaı atyndaǵy mýzeıge jáne alańǵa arnaıy atbasyn buryp, uly oıshyldyń 175 jyldyǵyna daıyndyq jumystarymen tanysty, dep habarlaıdy QazAqparat Senattyń baspasóz qyzmetine silteme jasap.

Qala ákimi senatorǵa taıaýda ǵana Abaı alańyn abattandyrý jumystary aıaqtalǵanyn aıtty. Sonyń nátıjesinde bul jerde oıyn jáne sport alańdary ashylyp, jas taldar otyrǵyzylǵan. Sondaı-aq, aqyn eskertkishin jaryqtandyryp turatyn arnaıy qondyrǵylar ornatylǵan.

Qalada Abaı atyndaǵy teatrǵa da jóndeý jumystary júrgizilip jatyr. Teatr kórkemdik jetekshisiniń aıtýynsha, ǵımarattyń tarıhı kelbeti tolyq saqtalady. Mereıtoı aıasynda aqyn mýzeıinde Abaı men balalaryna arnalǵan elimiz boıynsha alǵashqy eskertish ornatylady dep josparlanyp otyr.

Sonymen qatar Dúısenǵazy Mýsın Abaı Qunanbaıulynyń 175 jyldyǵyna oraı óńirlerdiń Semeı qalasyn kórkeıtý týraly Úkimet tapsyrmasyn qalaı oryndap jatqanyna nazar aýdardy.

Osyǵan oraı senator oblys ákimdikteri bul máselege basa mán berip, atalǵan tapsyrmanyń oryndalýyn baqylaýǵa alý kerektigin atap ótti.