Semeıde Abaı marafony ótedi
18 qyrkúıek kúni Semeıde Abaı marafon ótedi. Qala turǵyndary men qonaqtary 3, 5 jáne 10 shaqyrymdyq úsh qashyqtyqtyń birin tańdap júgirýden baq synasady. Márege jetken ár sportshyǵa estelik medal men jeńimpaz jeıdesi tabystalady.
«Mundaı shara Semeıde alǵash ret uıymdastyrylmaq. Qatysýshylar qalany túgel aralap júgirip shyǵady. Erler men áıelder arasyndaǵy eń úzdik nátıje kórsetken árbir úsh qatysýshy arnaıy medaldarmen marapattalady. Nıet bildirýshiler globalsport.kz saıtyna kirip, tirkele alady», - dep habarlady Abaı oblysy ákimdiginiń baspasóz qyzmetinen.
Qatysýshylar eń áýeli Beıbitshilik aralyna jınalady. Odan keıin qalaǵa qaraı bet alyp, kópirden ótkennen keıin Abaı dańǵyly arqyly Semeıdiń ortalyq alańyna qaraı júgiredi. Turlyhanov dańǵylyna jetken soń qalanyń bas kópirine kóterilip, odan Abaı atyndaǵy meshitke jetedi. Sodan soń eski kópir arqyly Abaı kóshesine qaıta oralyp, onyń boıymen aralǵa barady.
Ashyq kózderden alynǵan foto
