Semeıde Abaı kúnine oraı qandaı sharalar ótedi
8 tamyz kúni, ıaǵnı dúısenbi saǵat 15:00-de Abaı oblystyq Nevzorovtar otbasy atyndaǵy beıneleý óneri murajaıynda qos mýzeıdiń birlesken «Ulylar úndeskende» (vernısaj) kórmesi ashylady.
9 tamyz kúni saǵat 10:00-de oblystyq Abaı atyndaǵy ámbebap kitaphanasynda «Barlyq danalyq kitapta» atty ádebı ekspozıtsııalar toptamasy ótedi. Onda «Abaı álemi» biregeı basylymdar kitaphanasy», «Qazaq dalasynyń uly perzenti», « Ǵasyrlar úndestigindegi rýhanı mura» toptamalary usynylmaq.
10 tamyz saǵat 11:30-da «Qazaqkontsert» memlekettik kontserttik uıymynyń «El birligi – Jańa Qazaqstan» gastroldik sapary Semeıde bastalady. Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıinde Muhtar Áýezovtiń 125 jyldyǵyna arnalǵan «Áýezov álemi» atty dóńgelek ústel otyrysy ótedi. Sondaı-aq «Qazaqkontserttiń» shyǵarmashylyq ujymy jergilikti zııaly qaýym ókilderimen kezdesedi.
Shyǵarmashylyq ujym quramynda «Qazaqkontserttiń» solısteri – Qazaqstannyń halyq ártisi, Qazaqstannyń Eńbek Eri Roza Rymbaeva, Qazaqstannyń eńbek sińirgen qaıratkerleri Erlan Rysqalı, Raýshan Orazbaeva, Azamat Jaltyrgózov, Medet Shotabaev, Saltanat Ahmetova, Janna Orynbasarova, QR Mádenıet salasynyń úzdigi Perızat Turarova, «Daryn» memlekettik jastar syılyǵynyń laýreattary Asqar Muqııat, Ardaq Eleýsiz, halyqaralyq jáne respýblıkalyq baıqaýlardyń laýreattary Daryn Qudaıbergen, Álibek Álmadıev, Áıgerim Altynbek, Gúlsim Myrzabekova, Dıdar Ábdihalyq bar.
Budan bólek, baspasóz máslıhaty men «Uly dala – Uly Abaı» gala-kontserti josparlanǵan.
11 tamyzda saǵat 17:00-de Abaı atyndaǵy qazaq mýzykalyq-drama teatrynda «Jas Abaı» (avtory T. Ibragımov) qoıylymy kórsetiledi.
12 tamyzda Semeı oblystyq tarıhı-ólketaný mýzeıinde «Abaıdyń aqyndyq mektebi jáne Saparǵalı Álimbetov», «Táńirbergen Ámirenov – Abaıdyń aqyndyq dástúrin jalǵastyrýshy» dáristeri ótip, «Semeı dese Abaı dep qaraıdy adam...» atty kórme ashylady.
13 tamyzda Dostoevskıı atyndaǵy drama teatrynda «Qara sózder» poetıkalyq qoıylymy kórsetiledi.
14 tamyzda Nevzorovtar otbasy atyndaǵy beıneleý óneri murajaıynda «Ulylar úndeskende» kórmesine ekskýrsııa ótkiziledi: saǵat 12:00-de - qazaq tilinde, 14:00-de - orys tilinde.
15 tamyzda «Darıǵa-aı» jastar teatry Muhtar Áýezovtiń «Ǵajaıyp tragedııasy» spektaklin sahnalaıdy.
16 tamyzda F.M.Dostoevskıı atyndaǵy ádebı-memorıaldyq murajaıda Abaı ómiri men shyǵarmashylyǵyna arnalǵan dáris ótedi.
Semeıdegi Abaı kúnine arnalǵan is-sharalar legi 17 tamyzda Ámire Qashaýbaev atyndaǵy memlekettik fılarmonııanyń «Qalyń elim qazaǵym qaıran jurtym» atty kontsertimen aıaqtalady.
Foto: stan.kz
