Semeıde Abaı kúninde jerlester forýmy ótti

SEMEI. QazAqparat – Semeı qalasynda Abaı kúnine oraı jerlester forýmy ótti, dep habarlaıdy QazAqparat tilshisi.

Búgin Semeı qalasynda jerlester bıznes forýmy bolyp ótti. Forým Abaı Qunanbaıulynyń 177 jyldyǵyna arnalǵan.

Forýmǵa Semeıde, basqa qalalar men elderde turyp jatqan, biraq týǵan jeriniń órkendeýine úles qosýǵa daıyn bıznes ókilderi jınaldy. Sharanyń shymyldyǵyn Abaı oblysynyń ákimi óz sózimen ashty.

«Búgin biz Abaı kúnin atap ótýdemiz. Bul uly aqynǵa degen onyń esimimen atalatyn aımaq qurylǵannan keıingi alǵashqy qurmeti. Sondyqtan mereke este qalarlyqtaı bolǵanyn qalaımyn. Forýmǵa bizdiń jerlesterimiz - burynǵy Semeı oblysy men Semeı qalasynyń týmalary jınaldy», - dedi Nurlan Uranhaev.

Shara barysynda Abaı oblysyn metallýrgııa, aýyl sharýashylyǵy, tamaq jáne óńdeý ónerkásibi damyǵan iri óńirge jáne týrıstik ortalyqqa aınaldyrý týraly sóz qozǵaldy. 2025 jylǵa deıin taý-ken salasynda 5 ınvestıtsııalyq joba iske asyrylady dep josparlanýda.

Forým aıasynda qonaqtar Abaı eskertkishine gúl shoqtaryn qoıyp, qala mýzeılerine baryp, fýtbol boıynsha joldastyq match ótkizdi. Fýtbolǵa Abaı oblysynyń ákimi de qatysty.