Semeıde Abaı atyndaǵy memlekettik qazaq mýzykalyq drama teatrynda fortepıano men vokaldy mýzyka keshi ótti
ASTANA. 14 naýryz. QazAqparat - «Semeıde Abaı atyndaǵy memlekettik qazaq mýzykalyq drama teatrynda fortepıano men vokaldy mýzyka keshi ótti»,- dep habarlaıdy Semeı qalasy ákiminiń baspasóz qyzmeti.
Semeı jurtshylyǵy aldynda klassıkalyq ónerdiń maıtalmandary, elimizdiń eńbek sińirgen qaıratkeri, pıanıst Tımýr Ormansheev pen Abaı atyndaǵy opera jáne balet teatrynyń solısi, halyqaralyq baıqaýlardyń júldegeri Medet Shotabaev óner kórsetti. Bul kontsert «Ǵasyrlar toǵysy» dep atalatyn qaıyrymdylyq mádenıet jobasynyń bastaýy bolyp otyr. Joba aıasynda elimizdiń Semeı, Óskemen, Pavlodar, Petropavl, Kókshetaý, Almaty sııaqty qalalarynda Uly Otan soǵysy jáne eńbek ardagerlerine, sondaı-aq mýzykalyq oqý oryndarynyń stýdentteri men mýzyka áýesqoılaryna tegin klassıkalyq mýzyka kontsertteri beriledi. Óner súıer qaýym, Tımýr Ormansheev pen Medet Shotabaevtardyń oryndaǵan shyǵarmalaryn ystyq yqylaspen qabyldap, qoshemetterin aıamady.
Bir aıta keterligi, atalmysh kontsertter ótetin barlyq shaharlarda qalalyq ardagerler keńesine qaıtarymsyz járdem úlestiriledi.
