Semeıde «Abaı álemi» kitaptar toptamasynyń tusaýkeseri ótti

Bıyl joba aıasynda 12 kitap jaryqqa shyqty. Tyń kitaptardyń tusaýy Abaı atyndaǵy drama teatrda kesildi. Qonaqtar kitaptyń avtorlarymen tanysyp, áńgime órbitti. Saltanatty jıynǵa Semeı qalasynyń ákimi Ermak Sálimov qatysty.

«Rýhanı Jańǵyrý» baǵdarlamasy aıasynda oblys ákimi Danıal Ahmetovtiń qoldaýymen «Abaı álemi» kitaptar toptamasy jobasy júzege asyrylyp jatyr. Ol elimizdiń mádenı murasynyń ajyramas bóligi bolyp tabylatyn daryndy jerlesterimizdiń ádebı murasyn saqtaýǵa jáne nasıhattaýǵa baǵyttalǵan. Kitap toptamasynyń kelesi nómirinde keıingi 100 jylda alǵash ret orys geografııalyq qoǵamy músheleriniń jarııalaǵan jumystarynyń jeke jınaqtary jaryq kóredi. Jańa basylymnyń ádebı muralarynyń qataryna Qazaqstan Respýblıkasynyń 2016 jylǵy Memlekettik syılyǵynyń laýreaty, jerlesimiz Tynyshtyqbek Ábdikákimovtiń fılosofııalyq týyndylary endi. Bul toptama sondaı-aq jas talantty avtorlardyń óleńder jınaǵyn qamtıdy», - dedi Ermak Sálimov tusaýkeser barysynda.

«Abaı álemi» jobasy talantty jastardy Qazaqstannyń «ádebı kodyn» damytýǵa erekshe úles qosatyn avtorlardyń shyǵarmalaryn kópshilikke keńinen taratýdy kózdeıdi.

Jobanyń redaktsııalyq keńesin belgili jazýshy, «Qurmet», «Parasat» ordenderiniń ıegeri Medeý Sárseke basqarady.

«Kitap toptamasynyń ekinshi nómirine 12 kitap engen. Onyń ishinde 9 kitap - jeke avtorlardyń basylymdary. Olardyń qatarynda Nurlybek Baımuratovtyń shyǵarmalary, Tynyshtyqbek Ábdikákimniń «Jumaq tún» kitaby, Qalıhan Altynbaevtyń «Qaıran ómir» kitaby, Kópen Erqasovtyń «Elim meniń» kitaby, Aıtmuhambet Qasymovtyń «Týǵan jer áýenderi» kitaby, Baqytjan Raısovanyń «Jeldiń kún beti» kitaby, Stanıslav Chernyhtyń «Neýtomımyı kraeved Rýdnogo kraıa» kitaby, Mereı Qarttyń «Qarashyqtaǵy qubylystar» kitaby, Aleksandr Meşerıakovtyń «Megafonda» kitaby, Qyzyrbek Dúrginbaı men Baýyrjan Igiliktiń shyǵarmalary bar», - dedi Abaı atyndaǵy kitaphana dırektorynyń orynbasary Gúlmıra Nuǵymanova.

Kitap toptamasy 6 500 danamen jaryqqa shyqty.