Semeıde abattandyrý erejesin buzǵan 1200 tulǵa jaýapqa tartyldy
SEMEI. QazAqparat - Semeıde abattandyrý erejesin buzǵany úshin 1200-den astam tulǵa jaýapqa tartyldy. Salynǵan aıyppuldyń jalpy kólemi 1 mln. 204 myń teńge.
Bul týraly QazAqparat Semeı aqparattyq ortalyǵyna silteme jasap habarlaıdy.
Búginde jergilikti polıtsııa qyzmetkerleri qaladaǵy sanıtarlyq jaǵdaıdy qoldaý maqsatynda qoǵamdyq oryndardy lastaý, qoqys tastaý oryndaryn qurý faktilerin anyqtaýǵa baǵyttalǵan reıd sharalaryn júrgizýde. Nətıjesinde abattandyrý erejesin buzǵan 1200 -den astam tulǵa jaýapqa tartyldy. Salynǵan aıyppuldyń kólemi 1 mln. 204 myń teńge.
«Jumystar jeke turǵyn úılerde, zańdy tulǵalar men saýda úıleriniń, dúkenderdiń ıelerimen júrgizildi. Reıdtik sharalar barysynda 5 myń 425 jeke turǵyn úı jáne 44 zańdy nysan tekserildi»,-dedi Semeı qalasy Polıtsııa basqarmasynyń basshysy Dýlat Qazaqpaev.
Sondaı-aq usaq buzaqylyq jasaǵany úshin 705 tulǵa jaýapqa tartyldy. Onyń ishinde 457 tulǵa qamaýǵa alynyp, 248 tulǵaǵa 3 mln. 131 myń teńge kóleminde aıyppul salyndy.
