Semeıde 84 kósheniń joldary jóndeledi
SEMEI. QazAqparat - Semeıde qala kóshelerin jáne aýlalardy abattandyrýǵa qalalyq bıýdjetten 1 mılıard 196 mıllıon teńge bólindi, dep habarlaıdy QazAqparat tilshisi.
«2018-2020 jyldarǵa arnalǵan meniń aýlam» óńirlik baǵdarlamasy aıasynda osy jyly kóp qabatty turǵyn úılerdiń qasyndaǵy 12 aýlany abattandyrýǵa qalalyq bıýdjetten 611 mıllıon teńge bólinip, qazir jumystar júrip jatyr.
Sonynmen qatar, salaýatty ómir saltyn qalyptastyrý úshin qalanyń ár aýdanynan 11 sporttyq alań salyný josparlanýda. Oǵan 90 mıllon teńge qarajat bólindi. Ásirese qalalyqtardyń jıi baryp demalatyn ornyna aınalǵan Abaı alańyn abattandyryp jóndeýge 87 mıllıon teńge bólindi. Qazir jumystar júrip jatyr.
«Halyqaralyq mańyzy bar Mıchýrın kóshesindegi joldarda kúrdeli jóndeý jumystary aıaqtalady. Qalalyqtardyń ótinishi boıynsha kóptegen jyldar boıy jóndelmegen Naımanbev kóshesiniń joldary jóndeledi. Sonymen qatar avtokólikter kóp júretin Táńirbergenov, Tıtova, Ormandy, Qabanbaı batyr, Aımaýytov taǵy basqa kósheler jóndelýde. Qazirgi ýaqytta 36 kóshedegi joldar aǵymdaǵy jóndeýden ótti», -dedi qala ákimi Ermak Sálimov.
Jalpy aıtqanda, bıyl qala kósheleriniń joldaryna kúrdeli jáne aǵymdaǵy jóndeýge 2 mılıard 235 mıllıon teńge bólindi. Aǵymdaǵy jóndeý jumystary qalanyń 70 kóshede, al orta jóndeý 20 shaqyrymdy quraıtyn 14 kóshede júrgiziledi.
