Semeıde 800 adam syıatyn 9 evakýatsııalyq pýnkt daıyndaldy

SEMEI. QazAqparat - Semeı bıligi 800 adamǵa deıin syıatyn toǵyz evakýatsııalyq pýnkt daıyndady jáne Ozerkı aýyldyq okrýginiń Kashtak, Polınkı, Tepkashı jáne Talıtsa aýyldarynyń turǵyndaryn qabyldaýǵa jáne qamtamasyz etýge daıyn.

Bul týraly QazAqparat Abaı oblysy ákimdiginiń Telegram kanalyna silteme jasap habarlaıdy.

Evakýatsııalyq pýnktter kelýshilerdiń ýaqytsha turýy úshin qaýipsiz jaǵdaılardy qamtamasyz etedi. Olar kolledjder, JOO jáne qalalyq qonaqúı ǵımarattarynda ornalasqan. Osy pýnktterdiń árqaısysynda ystyq tamaq jáne birinshi kezekte qajetti zattardy berý jumystary uıymdastyrylǵan.

Halyqty jedel evakýatsııalaý úshin 10 avtobýs jiberildi.

«Qajet bolǵan jaǵdaıda kómekke muqtaj barlyq adamdardy qabyldaý úshin qosymsha evakýatsııalyq pýnktter uıymdastyrylady. Barlyq azamattardyń qaýipsizdigin qamtamasyz etý basymdyq bolyp qala beredi»,-delingen habarlamada.

Eske salaıyq, azdaǵan ýaqyt buryn Semeı qalasynda jergilikti aýqymda tabıǵı sıpattaǵy tótenshe jaǵdaı rejımi jarııalandy.

«Semeı» ormany rezervatynda órt 8 maýsym kúni shyqqan bolatyn. «Órt naızaǵaıdyń 2 ret soǵýynan shyqqan. Órtti tez arada aýyzdyqtaý múmkin bolmady, oǵan sebep «Semeı ormany» memlekettik orman tabıǵı rezervaty tehnıkasy bıik qum tóbeleri ornalasqan aımaqqa jete almady», - degen bolatyn Abaı oblysy ákiminiń orynbasary Dımıtrıı Garıkov.

Keıinirek Semeı ormanyndaǵy órtti sóndirýge jumyldyrylǵan 3 maman qaza tapty.

Memleket basshysy Qasym-Jomart Toqaev Tótenshe jaǵdaılar mınıstri ıÝrıı Ilınge Abaı oblysyndaǵy oqıǵa ornyna jedel baryp, órt sóndirý jumystaryn basqarý mindetin júktedi. Úkimetke jáne Abaı oblysynyń ákimdigine qaza tapqan orman sharýashylyǵy qyzmetkerleriniń otbasylaryna barlyq qajet kómekti kórsetýdi tapsyrdy.

Abaı oblysyndaǵy órtke baılanysty jedel jeli ashyldy.

Abaı oblysyndaǵy alapat órtke baılanysty Qasym-Jomart Toqaevtyń 11-13 maýsym kúnderi Vetnamǵa josparlanǵan resmı sapary keıinge shegerildi.

Qasym-Jomart Toqaev Úkimetke Abaı oblysyndaǵy órtke qolda bar barlyq resýrstardy jumyldyrýdy tapsyrdy.