Semeıde 80 mekteptiń deni kúrdeli jóndeýdi qajet etedi
SEMEI. QazAqparat - Semeıde orta bilim mekemelerin jóndeýden ótkizý úshin bıylǵy jylǵa 217 mln teńge bólindi, dep habarlaıdy QazAqparat tilshisi.
Búgingi kúni qalada 80-ge jýyq mektep bar. Kóbi kúrdeli jóndeýdi talap etedi. Alaıda qarjy tapshylyǵy - qolbaılaý. Sondyqtan aldaǵy 3 jylda uzaq jyldar jóndeý kórmegen bilim oshaqtarynda jumystar kezeń-kezeńimen júrgiziletin bolady.
Semeı qalalyq Bilim bóliminiń bastyǵy Natalııa Fesenkonyń aıtýynsha, 2017 jyly qalalyq bıýdjetten 30 mln 221 myń teńge kóleminde qarjy bólinip, 12 mektep jóndeýden ótken. Bul jumystar bıyl da jalǵasady.
«Búgingi kúni qalalyq Bilim bóliminde jalpy bilim beretin mektepterge jóndeý júrgizý úshin 531 mln teńgeniń smetalyq qujaty jatyr. Olardyń ishinde, bıylǵy jyly 6 bilim oshaǵyna jóndeý jasaýǵa qalalyq bıýdjetten 217 mln teńge bólindi. Sondaı-aq 748 mln teńgege 6 mektepti kúrdeli jóndeýden ótkizý úshin jobalar boıynsha saraptama qorytyndysyn kútip otyrmyz», - dedi Natalıa Fesenko.
