Semeıde 8 mektepke uly tulǵalardyń esimi beriledi

SEMEI. QazAqparat - Semeıde birqatar mektepterdiń ataýy ózgeretin boldy. Buǵan deıin nómermen atalyp kelgen bilim oshaqtary endi Abaı Qunanbaev, Muhtar Áýezov, Baýyrjan Momyshuly atyndaǵy mektep bolady, dep habarlaıdy QazAqparat tilshisi.

Búgingi kúni Semeı óńiri boıynsha 67 mektep bolsa, sonyń tek 9-yna ǵana uly tulǵalardyń esimi berilgen. Qalǵany  sandyq belgi boıynsha nómirlenip atalady. Sondyqtan birtýar azamattardyń esimin jas urpaq jadynda berik ustaý maqsatynda taǵy 8 mekteptiń ataýy jańartylatyn boldy.  ıAǵnı, mektepterge tarıhı tulǵalardyń,  «Alash» partııasy qaıratkerleriniń esimderi berilmek.

Atap aıtqanda № 49 mektepke qazaqtyń bas aqyny Abaı Qunanbaev,  № 3 mektepke jazýshy Muhtar Áýezov, №2 mektep geolog-ǵalym Qanysh Sátpaevtyń, №34 mektep Keńes odaǵynyń batyry, jazýshy Baýyrjan Momyshulynyń, №37 mektep Ybyraı Altynsarın, №39 mektep Álıhan Bókeıhanovtyń, 47 mektep Ahmet Baıtursynov jáne 29 mektep pedagog Tashbek Qutjanovtyń esimimen atalatyn bolady. 

«Respýblıkalyq onomastıkalyq komıssııanyń usynylǵan tarıhı tulǵalardyń esimin berý týraly  tizimin mektepterge jiberdik. Búgingi kúni 8 mektep usynysty qabyldady. Biz mektep ataýyn ózgertýge kúshtemeımiz. Mektep basshylyǵy ustazdarmen birge máseleni pedagogıkalyq keńeste talqylap, ózderine unaǵan tulǵanyń esimin  qabyldady. Qazir qujat jumystaryn retteý júrip jatyr»,- dedi Semeı qalalyq bilim bóliminiń  ádiskeri Sáýle Dúısenbekova.