Semeıde 79 jastaǵy qarııa ıis tıip kóz jumdy
SEMEI. QazAqparat – Semeı qalasynda ıis tıgen qarııa aýrýhanada qaıtys boldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jaqynda zeınetker ulymen birge peshtiń murjasyn tazalaǵan. Keıin kún sýytyp ketkendikten pesh jaqqan.
«Qart kisi búgin tańerteń ózin jaısyz sezine bastaǵan. Aýrýhanaǵa aýyr hálde jetkizildi. Ókinishke qaraı, ol birneshe saǵattan keıin kóz jumdy», - dep habarlady vedomstvo ókilderi.
Jalpy oblys boıynsha jylytý maýsymy bastalǵaly beri 10 adam ıis tıip qaıtys bolsa, 54 adam zardap shekken. Onyń ishinde 4 adam bitelgen murjalardy tazalaımyn dep jan tapsyrǵan. Osy rette, qutqarýshylar turǵyndarǵa pesh jaqqanda jáne murja tazalaǵanda muqııat bolýdy eskertedi.
