Semeıde 74 jastaǵy júrgizýshi eki balany qaǵyp ketti

SEMEI. QazAqparat – Semeı qalasynda jaıaý júrginshiler jolaǵynda kólik qaqqan eki bala aýrýhanaǵa jatqyzyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy Shákárim dańǵylynda bolǵan.

«Toyota» markaly avtokólikti tizgindep kele jatqan 74 jastaǵy júrgizýshi rettelmegen jaıaý júrginshiler jolaǵynda kámeletke tolmaǵan eki balany qaǵyp ketti.

«Sonyń saldarynan jaraqat alǵan balalar aýrýhanaǵa jatqyzyldy. Qazirgi ýaqytta júrgizýshige qatysty sotqa deıingi tergeý amaldary bastalǵan. Tıisti sot-medıtsınalyq saraptamalar taǵaıyndalyp, sonyń qorytyndysy boıynsha protsessýaldyq sheshim qabyldanady», - dep habarlady vedomstvo ókilderi.