Semeıde 700-ge jýyq jańa jumys orny ashyldy
Nurymbet Saqtaǵanov baspasóz máslıhaty barysynda Semeı qalasynyń ákimi laýazymyna kirisken ýaqyttan bastap túrli salalarda kezdesken negizgi qıyndyqtarǵa toqtaldy. Óz sózinde ol jylýmen jabdyqtaý, jaryqtandyrý, qoqys shyǵarý, avtobýs marshrýttary men jol máseleleriniń sheshimin taýyp jatqanyn jetkizdi. Sondaı-aq shahar turǵyndarynyń ortasha jalaqy máselesine toqtalyp, bul problema jańa jumys oryndaryn ashý arqyly sheshiletinin atap ótti.
«Azamattar úshin laıyqty jalaqysy bar jańa jumys oryndaryn ashýymyz kerek. Álbette, semeılikterdiń ortasha jalaqysynyń óskeni abzal. Eńbekaqysy joǵary bos jumys oryndary da az emes. Mysaly, qalada 30 jasqa deıingi jastardy qyzmetke alýǵa daıyn áskerı bólimder bar. Eger áskerı bılet bolsa, jalaqy – 200 myń teńge. Sonymen qatar basqa da memlekettik qoldaýlar jeterlik», - dedi ákim.
Sondaı-aq shahar basshysy búgingi tańda Semeı kásiporyndarynda 700-ge jýyq bos jumys orny ashylǵanyn aıtty. Olardyń birine ornalasqysy keletinder úshin qajetti mamandyqqa qaıta oqýǵa múmkindik te bar.
