Semeıde 7 jasar balany izdestirip jatyr
SEMEI. KAZINFORM – Semeı qalasynda 7 jastaǵy balany izdeýge baǵyttalǵan aýqymdy operatsııa júrgizilip jatyr.
Abaı oblysy Polıtsııa departamentiniń málimetinshe 2025 jylǵy 21 maýsymda saǵat 20:50-de «102» jedel arnasyna 2018 jyly týǵan Amanǵalı Bekbolattyń habar-osharsyz ketkeni týraly habarlama túsken.
— Keshki saǵat 18:15 shamasynda bala Semeı qalasy, Týrıstıcheskaıa kóshesi, 92-úı mekenjaıyndaǵy úıinen shyǵyp ketip, osy ýaqytqa deıin oralmaǵan, — delingen habarlamada.
Belgileri:
— boıy shamamen 130 sm,
— ústinde kók fýtbolka, sur tústi júzý shalbary men sur sandal bolǵan.
Balada damý ereksheligi bar (aýtızm).
— Habar túsken boıda polıtseıler dereý oqıǵa ornyna jetip, aýqymdy izdestirý jumystary bastaldy. Іs-sharalarǵa polıtsııa qyzmetkerleri, kınologııalyq qyzmet, Tótenshe jaǵdaılar departamentiniń mamandary jumyldyryldy. Jaqyn mańdaǵy aýmaq tolyq tekserilip, turǵyndarmen baılanys ornatylyp jatyr. Sonymen qatar, jylý beıneleý qurylǵysymen jabdyqtalǵan dron arqyly áýeden sholý jasalyp jatyr.
Abaı oblysynyń polıtsııa departamenti bala týraly qandaı da bir aqparatyńyz bolsa, tez arada 102 nómirine habarlasýdy suraıdy, — delingen habarlamada.
Aıta ketelik Semeıdegi oqýshynyń soqqyǵa jyǵylýyna baılanysty eki ana ata-ana quqyǵynan aıyrylǵany týraly jazǵan edik.