Semeıde 7 myńnan astam bala qoǵamdyq kólikterde tegin júr
SEMEI. QazAqparat – Semeı qalasynda 7 myńnan astam bala avtobýstarda tegin júr, dep habarlaıdy QazAqparat.
Qalalyq Aqparat ortalyǵynyń habarlaýynsha, ataýly áleýmettik kómek alatyn az qamtylǵan jáne kópbalaly otbasylardyń 18 jasqa deıingi balalary, jetimder men ata-anasynyń qamqorlyǵynsyz qalǵan búldirshinder úshin shaharda arnaıy áleýmettik karta jasalǵan.
«Osy oraıda bilim men jumyspen qamtý, áleýmettik baǵdarlamalar jáne azamattyq hal aktilerin tirkeý bólimderi birlesip arnaıy tizim ázirledi. Bul maqsatqa oblystyq bıýdjetten qarjy bólingen. Baǵdarlama ákimshisi bolyp Semeı qalasynyń jolaýshylar kóligi jáne avtomobıl joldary bólimi bekitildi. Búgingi tańda 7013 bala qoǵamdyq kólikterde tegin júrýde», - delingen málimette.
