Semeıde 66 jastaǵy qartty órtten qutqarǵan azamat mınıstrdiń Alǵys hatymen marapattaldy
SEMEI. QazAqparat - Semeıde QR Tótenshe jaǵdaılar mınıstriniń buıryǵymen kórshisin órtten qutqarǵan Serik Qadyrjanov Alǵys hatpen marapattaldy, dep habarlaıdy QazAqparat mınıstrliktiń baspasóz qyzmetine silteme jasap.
Semeı qalasynda 1 mamyrda órt shyqty. Pışevıkov kóshesiniń boıyndaǵy monshasymen birge ornalasqan jer úı órtendi.
Órt sóndirýshiler 15 sharshy metr alańdy sharpyǵan órtti sóndirdi. Bul jumysqa 4 tehnıka men 16 órt sóndirýshi jumyldyryldy. Órttiń sebebi elektr jabdyqtaryn montajdaý jáne paıdalaný kezinde órt qaýipsizdigi talaptaryn saqtamaýmen baılanysty boldy.
Órt sóndirý bólimsheleri kelgenge deıin Serik Qadyrjanov janyp jatqan úı-jaıdan 66 jastaǵy turǵyndy alyp shyqty. Jedel járdem dárigerleri ony aýrýhanaǵa jetkizip, medıtsınalyq kómek kórsetip, úıine jiberdi.
