Semeıde 6-synyp oqýshysyn soqqyǵa jyqqan 3 jetkinshektiń áke-sheshesi ata-analyq quqyǵynan aıyryldy
SEMEI. KAZINFORM – Semeı qalasynda 6-synyp oqýshysyn soqqyǵa jyqqan 3 jetkinshektiń áke-sheshesi ata-analyq quqyǵynan aıyryldy.
Oblystyq Polıtsııa departamentiniń málimetine súıensek, Semeıdegi 6-synyp oqýshysyn soqqyǵa jyǵý faktisi boıynsha kámeletke tolmaǵandardyń quqyǵyn qorǵaý jónindegi komıssııanyń otyrysy ótti.
- Qazir kámelettik jasqa tolmaǵan balalarǵa qatysty sotqa deıingi tergeý amaldary bastaldy. Oqıǵaǵa qatysýshylardyń barlyǵy devıantty minez-qulyqty balalarǵa arnalǵan mamandandyrylǵan mektepke jiberiledi. Onda olarmen psıhologtar jumys isteıdi. Sondaı-aq jetkinshekter qoǵamnan ýaqytsha oqshaýlanyp, olarmen túzetý jumystary júrgiziledi, - deıdi departament bastyǵynyń orynbasary Ernar Bazarov.
Onyń aıtýynsha, 3 jetkinshektiń áke-sheshesi ata-analyq quqyǵynan aıyrylyp, eki balaǵa qatysty qamqorshylyq toqtatyldy.
Vedomstvo dereginshe, qazirgi ýaqytta is materıaldary sotqa jiberilgen.
Eske salsaq, buǵan deıin Semeıde jasóspirimder altynshy synyp oqýshysyn soqqyǵa jyqqany habarlanǵan.