Semeıde 6-synyp oqýshysy soqqyǵa jyǵylǵan mektep dırektory jumystan shyǵaryldy

SEMEI. KAZINFORM – Semeı qalasynda 6-synyp oqýshysyn birneshe jetkinshek soqqyǵa jyqqan oqıǵadan keıin mektep dırektory qyzmetinen bosatyldy.

Abaı oblystyq Bilim basqarmasynyń málimetine súıensek, Semeıdegi oqıǵaǵa baılanysty birneshe mekteptiń basshylyq quramyna tártiptik jaza qoldanyldy. 

№9 mektep dırektory qyzmetinen bosatylyp, tárbıe isi jónindegi orynbasaryna qatań sógis berildi. Sondaı-aq iske qatysy bar jetkinshekter oqıtyn basqa bilim ordalarynyń basshylary da jaýapqa tartyldy.

- Semeı qalasynyń №15 mektep dırektory men Sh.Ýálıhanov atyndaǵy «Jas Ulan» arnaıy erler mektep-lıtseıi ınternatynyń dırektory sógis aldy. Mektep dırektorlarynyń tárbıe isi jónindegi orynbasarlary, synyp jetekshileri men mektep psıhologtaryna tártiptik jaza qoldanyldy, - delingen aqparatta. 

Eske salsaq, buǵan deıin Semeıde 6-synyp oqýshysyn soqqyǵa jyqqan 3 jetkinshektiń áke-sheshesi ata-analyq quqyǵynan aıyrylǵany habarlanǵan.