Semeıde 6 adam qatty aıazda úsip qaldy
SEMEI. QazAqparat – Semeı qalasynda 6 adamdy úsik shaldy, dep habarlaıdy QazAqparat tilshisi.
Qalalyq jedel járdem stantsııasy mamandarynyń málimetine súıensek, 5 qańtarda aıaq-qoly úsip qalǵan 6 adam aq halattylardyń kómegine júgingen.
Onyń kóbi negizinen 3 jáne 4 qańtarda zardap shekkenimen, dárigerlerge tek keshe ǵana qaralǵan.
«Bir azamat vagonnan júk túsirip jatqan kezde, al endi biri qolǵap kımeı sómkesin kóterip júrgende qoldaryn úsik shaldy. Jalpy 2020 jyldyń 31 jeltoqsany men 2021 jyldyń 4 qańtary aralyǵynda stantsııaǵa úsik shalǵan 17 adam júgindi» deıdi dárigerler.
Aıta keteıik, ShQO TJD óńirde birneshe kún boıy aýa temperatýrasynyń kúrt tómendeıtindigin eskertken bolatyn.
