Semeıde 5,6 myńnan astam júrgizýshi jyldamdyqty asyrǵan
ASTANA. KAZINFORM — Semeı polıtseıleri jyl basynan 32 227 quqyq buzýshylyqtyń jolyn kesti, dep habarlaıdy Abaı oblysy Polıtsııa departamentiniń baspasóz qyzmeti.
Vedomstvo atap ótkendeı, joldaǵy bir ǵana ereje buzýshylyq keıde adam ómirine áser etetin jaǵdaıǵa ulasýy múmkin. Sondyqtan Semeı qalasynda jol qozǵalysy qaýipsizdigin qamtamasyz etý baǵytyndaǵy jumys kún saıyn jalǵayp keledi.
— Jyl basynan beri Semeı qalasy Polıtsııa basqarmasy Patrýldik polıtsııa qyzmetkerleri 32 227 quqyq buzýshylyqtyń jolyn kesti. Statıstıkaǵa nazar aýdarsaq, anyqtalǵan faktilerdiń basym bóligi — jol qozǵalysy erejelerin saqtamaýǵa baılanysty, — deıdi tártip saqshylary.
Onyń ishinde:
- 5 693 — belgilengen jyldamdyqty arttyrý;
- 4 817 — qaýipsizdik beldigin taqpaý;
- 3 420 — manevr jasaý qaǵıdalaryn buzý;
- 2 484 — toqtaý jáne turaqqa qoıý talaptaryn buzý;
- 2 213 — kólik basqarý kezinde uıaly telefon paıdalaný;
- 1 195 — kóliktiń tehnıkalyq jaǵdaıyna qoıylatyn talaptardy buzý;
- 926 — saqtandyrý polısine qatysty quqyq buzýshylyq;
- 266 — jolaýshylar men júkterdi tasymaldaý qaǵıdalaryn buzý;
- 202 — kólik quralyn qaıta jabdyqtaý talaptaryn buzý;
- 142 — kólik áınekterin talapqa saı emes qarańǵylaý;
- 136 — memlekettik nómirlik belgisiz kólik basqarý.
Jalpy jyl basynan, 29 607 jol qozǵalysy erejesin buzý faktisiniń joly kesildi.
Osydan buryn Semeıde TikTok efırinde bylapyt sóz aıtqan áıel sottalǵanyn jazdyq.
