Semeıde 55 kósheni sý basýy múmkin
Semeıde sý tasqynynyń aldyn alý maqsatynda birqatar sharalar qolǵa alynǵan. 220 myń tekshe metr qar shyǵarylyp, aryqtar tazalanýda. Inertti materıaldar qory da jetkilikti.
«264 tonna qum, 5 tonna ınertti materıal, 32 sý sorǵysh nasos bar. Qala ákiminiń tapsyrmasyna oraı qosymsha qar shyǵarý ýchaskelerin anyqtaıtyn jumys toby qurylǵan. Monıtorıng barysynda jeke menshik sektordaǵy 55 kósheni sý basý qaýpi bar ekeni anyqtaldy. Búginde Qaıym Muhamedhanov kóshesi, Vostochnyı, Mırnyı, Stepnoı jáne Dalnyı aýdandarynda qar shyǵarý jumystary qarqyndy júrip jatyr», - deıdi qala ákiminiń orynbasary Nıkolaı Ýshakov.
Onyń aıtýynsha, ótken jyly muz qalyńdyǵy - 52 sm bolsa, bıyl - 29 sm. Shúlbi sý elektr stantsııasynan sý jiberilýine de monıtorıng júrgizilgen. Qazirde muz jarý jumystaryna baılanysty memorandým jasalyp, tıisti qarajat qarastyrylypty. Osy oraıda karta ázirlenip, muz jarý oryndary belgilengen.
Bunyń barlyǵy tek qajet bolǵan jaǵdaıǵa ǵana júrgiziledi.
