Semeıde 5000-ǵa jýyq oqýshy alǵash ret mektep tabaldyryǵyn attaıdy

ASTANA. KAZINFORM — Semeı qalasynda 135 bilim berý mekemesi jumys isteıdi, onda 61 myńnan astam bala bilim alady, dep habarlaıdy qala ákimdiginiń baspasóz qyzmeti.

2025–2026 oqý jylynda 1 synypqa shamamen 5000 bala qabyldanbaq.

Sonymen qatar, 2652 oqýshy mektep bitirýshiler qataryna qosylady.

«Keleshek mektepteri» jobasy aıasynda qaladaǵy bilim berý ınfraqurylymy da keńeıip keledi.

— Bıyl qyrkúıek aıynda Vodnyı kentinde 600 oryndyq jańa mektep paıdalanýǵa berilmek. Buǵan qosa, Shyǵys kentiniń oń jaǵalaýynda (Svıazıst kenti aýdany) 300 oryndyq mekteptiń qurylysy bastaldy. Barlyq bilim berý nysandary zamanaýı beınebaqylaý júıelerimen tolyq jabdyqtalǵan, — delingen ákimdik habarlamasynda.

Osydan buryn Semeıde «Keleshek mektepteri» jobasy aıasynda ashyq esik kúni ótti.