Semeıde 50 ІT-synyp ashyldy
Semeıde 50 mektepte robototehnıka kabınetteri jumys isteıtin boldy. Bul sandyq tehnologııalardy damytýǵa baǵyttalǵan Memleket basshysynyń tapsyrmasy jáne «Nur Otan» partııanyń bastamasymen «Menin mektebim» jobasy aıasynda júzege asyp otyr.
Atalǵan IT synyptarǵa qajetti qural-jabdyqtar demeýshilerdiń kómegimen satyp alynǵan. Árbir synypta 11 noýtbýk, dıodty ekran, robototehnıka jıyntyqtar, 3D prınterler bar. Mektep oqýshylary robototehnıka, modeldeý, baǵdarlamalaý, aqparattyq jáne kommýnıkatsııalyq tehnologııalar negizderin úırený úshin zamanaýı jabdyqtarmen jumys isteıtin bolady. Oqýshylardy bes modýl boıynsha teorııalyq jáne praktıkalyq daıyndyqty aıaqtaǵan muǵalimder úıretedi. Barlyǵy 100-ge jýyq ınformatıka pániniń muǵalimi robototehnıkalyq jobalardy modeldeý, baǵdarlamalaý boıynsha bilimderin jetildirgen.
«Qala mektepterdegi oqýshylarǵa arnalǵan tsıfrlyq bilim men daǵdylardy qol jetimdi bolýyn qamtamasyz etý, tsıfrlyq saýattylyqty arttyrý jáne aqparattyq tehnologııalardy damytýǵa baǵyttalǵan jumystar jalǵasyn jatyr. Bul óz kezeginde oqýshylardyń jeke qabiletterin odan ári damytýǵa yqpal etedi»dedi qala ákimi.
3 synyp oqýshylaryna sabaq oıyn, kórneki quraldar arqyly júrgiziledi. 4-5 synypta robottyq júıeler, 6 synypta veb-dızaın negizderi, 7-9 synyp 3D modeldeý, 10-11 synyp oqýshylary mehatronıka jáne logıkalyq kontrollerlerdi baǵdarlamalaýdy úırenetin bolady.
Foto: lajm.lt