Semeıde 5 jasar balany zorlaǵan kúdikti ustaldy
SEMEI. QazAqparat - Semeıde 5 jasar balany zorlaǵan qaskúnem ustaldy, dep habarlaıdy QazAqparat tilshisi.
21 qyrkúıek kúni qalalyq Іshki ister basqarmasyna 41 jastaǵy azamat aryz bergen. Qala turǵynynyń aıtýynsha, belgisiz bireý 5 jastaǵy ulyn qorlaǵan.
Dereý jedel aldyn alý sharalary uıymdastyrylyp, krımınaldyq polıtsııa qyzmetkerleri 26 jastaǵy qala turǵynyn ustady. Ol buryn isti bolmaǵan.
Anyqtalǵandaı, jol boıynda ketip bara jatqan azamat turǵyn úıdiń aýlasynda oınap júrgen búldirshinderdi kórgen. Jaqyn mańda eresekterdiń joqtyǵyn paıdalanyp, 5 jasar uldy Zasıadko kóshesindegi kópqabatty úılerdiń janyndaǵy garajdardyń arasyna alyp barǵan. Sol jerde pıǵylyn júzege asyrǵan.
«Tergeý kezinde qylmysyn moıyndady. Qazir ýaqytsha qamaýǵa alyndy. QR Qylmystyq kodekstiń 121-baby boıynsha is qozǵalyp, sotqa deıingi tergeý amaldary júrgizilýde», - dedi ShQO ІІD baspasóz qyzmetinen.
