Semeıde 40 jastaǵy er adam sýǵa batyp ketti

SEMEI. QazAqparat – Semeı qalasynda 40 jastaǵy er adam sýǵa batyp ketti, dep habarlaıdy QazAqparat tilshisi.

40 jastaǵy qala turǵyny 31 mamyr kúni iz-tússiz joǵalyp ketken. Polıtsııaǵa habar túsken soń tártip saqshylary men eriktiler jedel-izdestirý sharalaryna kiristi. Qutqarýshylar da sý aıdyndarynyń jaǵalaýlaryn teksergen.

ShQO Tótenshe jaǵdaılar departamenti baspasóz qyzmetiniń málimetine súıensek, 4 maýsym kúni er adamnyń denesi Ertis ózeninen tabyldy.

«Máıit ózenniń Prırechenskoe aýyldyq okrýginiń Muzdybaı aýylyndaǵy tusynan tabylǵan. Boljam boıynsha ol sýǵa túsip júrip batyp ketti», - dep habarlady vedomstvo ókilderi.

Jyl basynan beri óńir boıynsha 5 adam sýǵa ketken. Qutqarýshylar turǵyndarǵa sýda qaýipsizdik erejelerin qatań saqtaý qajettigin eskertedi.

Esterińizge sala keteıik, osyǵan deıin Rıdder turǵyny úıiniń as bólmesin esirtki qoımasyna aınaldyrǵanyn habarlaǵan edik.