Semeıde 40-qa jýyq qaraǵaıdy zańsyz satqandar anyqtaldy
SEMEI. QazAqparat – Semeıde jańa jyl qarsańynda «Shyrsha» jedel aldyn alý sharasy ótip jatyr, dep habarlaıdy QazAqparat qalalyq polıtsııa basqarmasynyń baspasóz qyzmetine silteme jasap.
Baspasóz qyzmetinde tabıǵatty qorǵaý polıtsııasynyń qyzmetkerleri «Semeı ormany» memlekettik orman tabıǵı rezervaty MM memlekettik ınspektorlarymen birlesip orman qoryn kúzetý boıynsha reıd júrgizetinin habarlady. Jedel aldyn alý sharasy barysynda aǵash pen aǵash materıaldaryn tasymaldaıtyn kólikter tekseriledi. Qaladaǵy qylqan japyraqty aǵashtar satatyn saýda núktelerin anyqtaldy.
«Satýshylardyń aıtýynsha, barlyq shyrshalar men qaraǵaılar Reseıden ákelindi. Bazardaǵy bir qaraǵaı men shyrshanyń eń tómengi baǵasy - 4000 teńge. Olar uzaq ýaqytqa shydamaıdy, jyly bólmede olardyń ıneleri tez buzyla bastaıdy. Reıd barysynda tıisti qujattary joq 38 qylqan japyraqty aǵash tárkilendi», - dep túsinikteme berdi Semeı qalasynyń PB baspasóz qyzmetinde.
Sonymen qatar, polıtsııa kesilgen qaraǵaı úshin jaza bar ekenin eskertti jáne bul qylmystyq jaýapkershilikke jatatynyn aıtty.
«Zııankesterge 120 AEK-ke deıin aıyppul salynady (303000 teńge) nemese 30 táýlikke deıin qamaýǵa alynady, eger joıylǵan jáne kesilgen aǵashtar orman qorynyń bóligi bolsa, onda aıyppul 160 AEK-ke deıin (404 000 teńge) bolady nemese 160 saǵatqa deıin qoǵamdyq jumystarǵa tartylady nemese 40 táýlikke deıin qamalady», - dep atap ótti PB baspasóz qyzmetinde.
Aıta keteıik, «Shyrsha» jedel aldyn alý sharasy aımaqta 2019 jyldyń 31 jeltoqsanyna deıin jalǵasady.
