Semeıde 4-qabattyń balkonynan qulaǵan áıel kóz jumdy
SEMEI. QazAqparat - Semeıde 4-qabattaǵy balkonnan qulap ketken áıel oqıǵa ornynda jantásilim etti, dep habarlaıdy QazAqparat Altaynews agenttigine silteme jasap.
Qaıǵyly oqıǵa keshki saǵat 16:00 shamasynda, «Adal» dúkeni mańynda oryn alǵan.
«102 qyzmetine jedel járdem brıgadasynan habarlama kelip tústi. Olar áıeldiń boıynda jan joq ekenin málimdedi. Sol zamatta oqıǵa ornyna ekıpaj jóneltildi. Tergeý barysynda polıtsııa 38 jastaǵy áıeldiń óz páteriniń balkonynan qulap ketkenin anyqtady», - deıdi Semeı qalalyq PD baspasóz qyzmetiniń jetekshisi Elýbek Ospanov.
Atalmysh derek boıynsha sot-medıtsınalyq saraptama taǵaıyndalyp, tergep-tekserý jumystary júrip jatyr.
