Semeıde 4 adam qaza bolǵan jol apatyna qatysty sot úkimi shyqty
SEMEI. QazAqparat - Semeı qalasynda 4 adamnyń ólimine ákelip soqqan jol-kólik oqıǵasyna sebepker bolǵan júrgizýshige qatysty sot úkimi jarııalandy, dep habarlaıdy QazAqparat.
Cot otyrysynda belgili bolǵandaı, aıyptalýshy «Ozerkı-Semeı» tasjolynda jyldamdyqty asyryp jiberip, rólge ıe bola almaı qalǵan. Osynyń saldarynan qarama qarsy baǵytqa shyǵyp ketken kólik aryqqa qulapty.
Jol-kólik oqıǵasynan 4 adam kóz jumyp, 1 adam jaraqat alǵan.
«Sottalýshy QR QK-niń 345-baby 4-bóligimen kináli dep tanylyp, 5 jyl 6 aı merzimge túrmege qamaldy. Sondaı-aq ol 7 jylǵa kólik júrgizý quqyǵynan aıyryldy» - dep habarlady Semeı qalalyq №2 sottyń baspasóz qyzmeti.
