Semeıde 35,8 mln teńge bıýdjet qarajatyn jymqyrǵan áskerı mekeme basshysy sottaldy
Aıyptalýshy Semeı aýdandyq paıdalaný bóliminiń bastyǵy bola tura, burynǵy tanysymen ymyralasap, asa iri mólsherde bıýdjet qarajatyn jymqyrǵan. ıAǵnı, ol tanysynyń týysyna tirkelgen «BS» JShS energııa únemdeıtin jaryq júıesin jetkizý úshin jalpy somasy 51,7 mln teńgege zańsyz kelisimshart jasap, qol qoıǵan. Keıin aqshalaı qarajatty fırmanyń esepshotyna aýdarǵan. Taýardyń ústinen túsken 35,8 mln teńgeni ekeýi ózara bólisip alǵan.
Semeı garnızony ákerı sotynyń úkimimen burynǵy basshy 10 jylǵa bas bostandyǵynan aıyryldy. Sondaı-aq mal-múliki tárkilenip, memlekettik qyzmette jaýapty jáne basshylyq laýazymymen aınalysý quqyǵynan 5 jyl merzimge aıyryldy.
«Basshy QR QK-niń 177-baby 4-bóliminde qarastyrylǵan qylmysty jasaǵan úshin kináli dep tanyldy. Jáne QR QK-niń 58-babynyń 6-bólimine sáıkes jazany neǵurlym qatań jaza túrine aýystyrý týraly sheshim qabyldandy. Azamat jazany qatań rejimdegi túzeý kolonııasynda óteıdi. Úkim zańdy kúshine endi», - dedi Semeı garnızony áskerı sotynyń bas mamany Gúldana Jumataeva.